Gazetari Arjan Çani thotë se janë tre aksionet politike që opozita i nisi por nuk i çoi në fund, gjë që i ka kushtuar edhe katër vjet të tjera në opozitë. Në emisionin “Të Paekspozuarit”, Çani tha se lënia e mandatave, bojkoti i zgjedhjeve locale dhe marrëveshja e 5 qershorit duhej të ishin shfrytëzuar më mirë, për t’u kthyer në favor të opozitës.
Braktisja e mandateve. Kjo do të thotë radikalizim i luftës opozitare. A patë të tillë? Radikalë nuk ishin.
Braktisja e zgjedhjeve lokale. I braktisën dhe lanë të zhvillohen zgjedhjet. Braktisja e zgjedhjeve lokale do të ishte taktikë inteligjente sikur Basha dhe të vetët të mos i linin të bëheshin.
Vetëm pak ditë më parë fola me një nga njerëzit e afërt të Ramës. Më tha se nuk e kuptoj që pas 5 qershorit dhe Edi Rama ndryshoi Kushtetutën, ka pasur presion të paparë nga Ambasada Amerikane. Ata i thanë nuk mund të tallesh me ne, 5 qershori është bërë në tokën amerikane dhe nuk mund të bësh asgjë. Lul Basha nuk duhej të shkonte më në tryezë. Këta tha nuk kishin informacion që shantazhin amerikanët e bënë edhe ndaj Edi Ramës. Këto janë gabime sepse nuk u çuan deri në fund. Tregoi që nuk ka një vizion të qartë për strategjitë që ndërmerr.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
