Ekonomia e eurozonës ra me 12.1 për qind në tremujorin e dytë të këtij viti, ndërsa PBB-ja e përgjithshme e BE-së u tkurr me 11.9 për qind.
Sipas Eurostat, deri tani, kjo është rënia më e fortë e vërejtur që nga viti 1995.
Në mesin e vendeve anëtarë të BE për të cilat Eurostat ka të dhëna ekonomike, Spanja regjistroi rënien më të madhe në tremujorin e dytë në krahasim me atë të mëparshëm në -18.5 për qind, e ndjekur nga Portugalia (-14.1 për qind) dhe Franca (-13.8 për qind). Me -5.1 për qind, Lituania regjistroi rënien më të butë.
Italia raportoi një tkurrje prej 12.4 për qind, ndërsa ekonomia gjermane u tkurr me 10.1 për qind.
Komisioneri i ekonomisë për BE-në, Paolo Gentiloni, thotë se këto shifra konfirmuan “pasojat ekonomike të pashembullta të COVID19 që prekin të gjitha vendet evropiane”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
