Pasditen e kësaj të enjte raportohet se presidenti i Turqisë Recep Tayyyip Erdogan ka zhvilluar një bisedë telefonike me kancelaren gjermane Angelsa Merkel, me të cilën ka folur për tensionet e krijuara në Mesdheun Lindor.
Ky zhvillim i fundit vjen 24 orë pas ndërhyrjes publike të Sekretarit të Shtetit të SHBA, Mike Pompeo, i cili kërkoi ndalesën e përshkallëzimit të ngjarjeve dhe fillimin e një dialogu midis Greqisë dhe Turqisë.
Në Greqi mediat pretendojnë se kanë zbardhur një pjesë të bisedës ku thuhet se Erdogan ka qenë i prerë në përgjigjet e tij, ndërsa ka thënë se i duket e papranueshme mbështetja nga disa shtete e sjelljeve “egoiste” të Greqisë.
“Ne jemi për një shpërndarje të drejtë në mënyrë që të gjithë shtetet bregdetare të mund të fitojnë. Por Greqia, Qiprio dhe vendet që e mbështesin atë, përshkallëzojnë tensionin dhe nuk promovojnë një zgjidhje të përbashkët. Është e papranueshme për disa vende të mbështesin sjelljen egoiste dhe të padrejtë të Greqisë. Turqia gjithmonë dhe kudo do të mbrojë të drejtat dhe interesat e saj në çdo rast dhe veprim që nuk do të bëhet në përputhje me ligjin ndërkombëtar. Turqia mirëpret kontributin dhe përpjekjet e Angela Merkel dhe Gjermanisë për një zgjidhje,” tha Erdogan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
