Kalaja qindra vjeçare e cila ndodhen në brendësi të qytetit të Peqinit tashmë nuk ka asgjë për t’ju treguar nga historia e saj, vizitorëve të huaj dhe vendas.
Këtë sezon turistik që kaloj asnjë turist i huaj apo vizitor vendas, nuk patën mundësi të shihnin kalanë e Peqinit në brendësi, Drejtoria Rajonale e monumenteve të kulturës Durrës e ka lënë në harresë dhe në mëshirë të fatit kalanë, duke shembur kështu një histori 400 vjeçare.
Edhe ata pak turistë që kaluan me mjetet e tyre dhe autobusët turistike nuk i zbritën turistët. Nga ana tjetër Bashkia Peqinit që ka përsipër mirëmbajtjen e Kalasë nuk është duke bërë asgjë për pastrimin e brendshëm të kalasë, pasi mbeturina të shumta janë përhapur në të gjithë territorin.
Sipas banorëve të Peqinit kalaja e qytetit të tyre qëndron e braktisur prej vitesh edhe ata pak turistë që kanë kaluar në qytet nuk kanë patur mundësinë ta shohin.
Kalaja e Peqinit e cila ndodhet në brendësi të qytetit, është ndërtuar 400 vite më parë, dhe pse me një histori të pasur, ajo sot qëndron e mbyllur për vizitoret për shkak të harresës së organeve kopetente, portat e dikurshme janë kthyer në vend grumbullimi plehrash po kështu rreth kalasë qëndrojnë makinat dhe karrocat me kuaj që tregtarët i lidhin në muret e kalasë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
