Presidenti amerikan Donald Trump përsëriti kërcënimin e tij të mërkurën, se do të urdhërojë veprime ushtarake kundër Iranit nëse Republika Islamike nuk arrin një marrëveshje për programin e saj bërthamor, duke shtuar se Izraeli do të luante një rol kyç në një sipërmarrje të tillë të mundshme.
Ai tha se mundësia për të urdhëruar veprime ushtarake është absolutisht e mundshme dhe se ka mbetur shumë pak kohë për të arritur një marrëveshje.
Nëse nevojitet forca ushtarake, ne do të përdorim forcën ushtarake. Izraeli padyshim do të përfshihet.
Kërcënimi i Trump bëhet përpara se bisedimet të mbahen të shtunën në sulltanatin e Omanit, ku pritet të jenë të pranishëm i dërguari i posaçëm i SHBA për Lindjen e Mesme Steve Witkoff dhe ministri i jashtëm iranian Abbas Araghchi.
Vendet perëndimore të udhëhequra nga SHBA– dhe Izraeli kanë argumentuar për dekada se Teherani dëshiron të marrë një arsenal bërthamor. Irani i hedh poshtë këto akuza dhe këmbëngul se programi i tij bërthamor ka vetëm qëllime politike.
Në mars, Donald Trump i dërgoi një letër Iranit duke kërkuar negociata për programin bërthamor të vendit për të zëvendësuar marrëveshjen e mëparshme ndërkombëtare të vitit 2015, e cila filloi të lëkundet pasi ai tërhoqi SHBA-në nga ajo në vitin 2018, gjatë mandatit të tij të parë.
Njëkohësisht, ai kërcënoi se do të urdhërojë bombardimet e Iranit nëse diplomacia dështon dhe vendos sanksione shtesë ndaj sektorit iranian të naftës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
