Katër qytete të veriut të Kosovës, për të cilat më herët u fol se do t’i nënshtrohen karantinës për shkak të numrave të lartë me koronavirus, nuk e kanë marrë këtë masë. Ishte kryeministri i Kosovës Avdullah Hoti, i cili në një komunikim për shtyp bëri të ditur se ky është një lajm spekulues.
Diskutimi lindi për shkak të një deklarate të pretenduar të zëvendëskryeministrit të Kosovës Goran Rakiq, i cili vjen nga listat serbe. Hoti hodhë poshtë pretendimin se shtabet e këtyre qyteteve kanë vendosur kufizime në orar, ndërkohë që konkretisht u shpreh:
“Në veri vlen vetëm ligji i Kosovës, asnjë ligj tjetër. Si qeveri ne do të marrim vendim nëse ka nevojë për kufizim të lëvizjes. Institucionet e Kosovës respektojnë vetëm vendimet që dalin nga Qeveria e Kosovës, asnjë vendim tjetër. Brenda territorit vlejnë vetëm ligjet e Kosovës. S’ka karantinim në veri. Asnjë organ që vendos karantimin atje s’mund ta bëjë këtë pa vendim të Qeverisë së Kosovës.
Zëvendëskryeministri Rakiq në zyrën e tij i përdor simbolet e Republikës, ashtu siç kanë qenë. Deklarimet që janë bërë dje, s’kanë qenë të zëvendëskryeministrit Rakiq. Ai është anëtar i qeverisë së Kosovës dhe i nënshtrohet ligjit. Jam përgjegjës për kabinetin qeveritar. Secili i nënshtrohet ligjeve të Kosovës. Në cilindo rast që bie ndesh, unë detyrohem të marrë vendim arbitrar. Është çështje e tyre se si janë deklaruar.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
