Aleks Marku, i cili u arrestua sot se mbajti peng dy fëmijët e tij të mitur dhe qëllonte me kallashnikov, ushtronte dhunë ndaj bashkëshortes së tij. Kështu është shprehur Nikoll Gjonaj, daja i gruas së Aleks Markut.
Ai tregon se Aleks Marku ushtronte dhunë të vazhdueshme ndaj gruas së tij, si psikologjike, ashtu edhe fizike.
Nikoll Gjonaj thotë se e kanë denoncuar Aleks Markun për dhunën që ushtronte, ndërsa akuzon Policinë e Shtetit se e merrte në mbrojtje dhe e ka lënë të lirë.
Për fatin e keq të motrës time që i ka dhënë vajzën këtij mostre se njeri s’mund ti thuash, ka 12-13 vite që ja ka dhënë unë kam qenë kundërshtar i këtij vendimi. Fati i keq i asaj vajze që ka marrë për bashkëshortë një njeri drogaxhi dhe atë punë që ka bërë me veten e ka bërë dhe me mbesën time dhe fëmijët.
Ai ushtronte dhunë fizike dhe psikologjike në familje, ai është i droguar vetë, mbesa ime dhe fëmijët, i çonte grykën e pushkës duke i thënë të vras, duke i varur qesen e drogës në qafë rrugëve të Italisë për të shitur drogë në orët e vona të natës.
Jo që se kemi denoncuar, por e kemi bërë shumë herë, por kur s’ke mbështetje se policia e merrte në mbrojtje dhe pastaj e lironte sepse kjo është policia e pushtetit dhe jo e shtetit, merr në mbrojtje krimin. Ajo që ndodhi para ca ditësh në Shkodër, ku nëna u mbyt me tri fëmijët e saj, ka dashur ta bëjë dhe mbesa ime, por se ka marrë iniciativën se është zor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
