Berisha: Nuk jap dorëheqjen nga drejtimi i PD. Nisim foltoret në të gjithë vendin

Kreu i PD Sali Berisha paralajmëroi sot nisjen e foltoreve jashtë Tirane, në të gjithë vendin. 

“Këtë javë fillojmë foltoret jashtë Tirane dhe do të vazhdojmë në të gjithë vendin”, tha Berisha në një konferencë për mediat.

I pyetur se kur do të largohet nga drejtimi i partisë, Berisha tha se PD e përcakton fatin e drejtuesve nëpërmjet votes. 

“PD e përcakton fatin e drejtuesve të saj dhe përfaqësuesve nëpërmjet votës. Humbja e zgjedhjeve është kriteri më i shëndoshë i dorëheqjes së atyre që drejtojnë, por në kushtet kur zgjedhjet janë farsë dhe jo zgjedhje normale, një akt i tillë do i shërbente diktatorit dhe atyre që shpikin pluralizmin, do i shërbente diktatorin”, u shpreh ai.