Gazetari shqiptar Edison Myrtezaj, i cili punon dhe jeton në Kinë, ka folur mbi shpërthimin e Covid-19 në provincën e Ji Lin. Myrtezaj tregoi në edicionin e lajmeve në MCN TV se 27 milionë banorë të provincës janë në karantinë, ndërsa janë ngritur edhe disa spitale për të infektuarit.
Provinca e cila ndodhet në kufirin me Rusinë dhe Korenë e Veriut është zona më e rrezikuar në këto momente. Kjo mund të jetë një nga valët më të mëdha pas afro 2 vitesh kur edhe nisi për herë të parë shpërthimi i Covid-it në provincën Uhan.
Dje qeveria kineze dhe qeveria privizore deklaroi se janë gjithsej 27 milionë, e gjithë provinca është futur në karantinë.
Qeveria rajonale bëri të mundur ngritjen e 5 spitaleve për të gjithë të infektuarit dhe ata që do futen në karantinë. Pas 24 orësh janë ngritur 8 spitale dhe dy qendra për karantinime. Ekspertët kanë deklaruar se është varianti Omicron që mbizotëron”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
