Komisioneri i Lartë i Kombeve të Bashkuara për të Drejtat e Njeriut, Volker Turk tha se Hamasi dhe Izraeli kanë kryer krime lufte që nga shpërthimi i konfliktit muajin e kaluar.
Mizoritë e kryera nga grupet e armatosura palestineze më 7 tetor ishin të tmerrshme, brutale dhe tronditëse, ato ishin krime lufte, siç është edhe mbajtja e vazhdueshme e pengjeve.
Dënimi kolektiv nga Izraeli i civilëve palestinezë përbën gjithashtu një krim lufte, siç bën edhe evakuimi i paligjshëm i detyruar i civilëve.
Turk u shpreh kështu të mërkurën pas vizitës në vendkalimin Rafah, të cilin e përcaktoi si një mjet shpëtimi simbolik për 2.3 milionë banorët që jetojnë në Gaza.
“Linja e shpëtimit ka qenë padrejtësisht, skandalozisht e dobët”, tha ai, duke bërë thirrje për dërgimin e më shumë ndihmave humanitare në enklavën palestineze.
Komisioneri i lartë i OKB-së u kërkoi gjithashtu të dyja palëve të pranojnë një armëpushim bazuar në tre imperativa të të drejtave të njeriut: ofrimin e ndihmës për Gazën, lirimin e pengjeve nga Hamasi dhe zbatimin e “një përfundimi të qëndrueshëm të okupimit bazuar në të drejtat e palestinezëve dhe Izraelitët drejt vetëvendosjes dhe interesave të tyre legjitime të sigurisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
