Gerald Knaus, nga Iniciativa Evropiane për Stabilitet, thotë se letra që u publikua sot nga mediat e Kosovës për draft-statutin e Asociacionit të komunave me shumicë serbe, i është drejtuar kryeministrit Kurti nga Macron-Sholz dhe Meloni para letrës së sotme që kryediplomatja Gërvalla i dërgoi KiE-së.
Përmes një postimi në “Twitter” ai thotë:
Kjo letër është dërguar para letrës së sotme nga qeveria e Kosovës, duke ofruar rrugën më të mirë drejt zgjidhjes së çështjes së Asocaicionit njëherë e mirë këtë maj. Qartazi çdo draft-statut i Asociacionit duhet të plotësojë kriteret e Këshillit të Evropës. Ajo që ofroi Kosova sot i plotëson ato dhe mund të dërgohet në Gjykatën Kushtetuese”, ka shkruar Knaus.
Ideja në Beograd që Serbia duhet të aprovojë çdo Asociacion do t’i jepte Serbisë një veto për përparimin e Kosovës dhe thjesht do të siguronte që asgjë nuk do të ndodhë kurrë. Gjë që natyrisht është ajo që liderët serbë thonë se duan: Kosova “kurrë nuk duhet të anëtarësohet” në Këshillin e Evropës”.
Kujtojmë që Prishtina dërgoi një letër KiE-së për ta vënë në dijeni se po përgatit draft-statutin për asociacionin e komunave me shumicë serbe, për ta dorëzuar për shqyrtim në Gjykatën Kushtetuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
