Aktorja, modelja dhe këngëtarja britanike Cara Delevingne ka folur hapur mbi seksualitetin e saj për "Variety". Ajo tregon se gjithmonë e ka identifikuar veten si një person që e gjen veten mirë me çdo gjini, duke pranuar se bën pjesë te personat e njohur si panseksualë (panseksualiteti është tërheqja emocionale, seksuale ndaj personave, pavarësisht seksit ose gjinisë së tyre).
Edhe për Delevingne nuk ka rëndësi gjinia, nëse një person e bën të ndihet mirë. Madje tregon se në moshën 11-vjeçare ka pasur ndjenja për shoqen e saj të ngushtë, me të cilën ndante problemet familjare. Kur ajo shoqërohej me persona të tjerë, Cara tregon si ndihej xheloze.
Në 2015 ishte hera e parë kur modelja foli hapur për preferencat e saj seksuale.
“Gjithmonë do ta them se unë mendoj në mënyrë panseksuale. Për mua nuk ka rëndësi nëse është ai, apo ajo, unë thjeshtë bie në dashuri me personin. Jam e verbër ndaj gjinisë”, tregon ajo.
Ambasadorja e Puma, po realizon disa foto për një projekt të LGBTQ.
“Tashmë flas hapur mbi preferencat e mia seksuale dhe kjo më bën të ndihem e sigurt dhe të mos fshihem më nga vetja ime”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
