Një aksident i rëndë është regjistruar mbrëmjen e së mërkurës në aksin rrugor Korçë-Bilisht.
Dy mjete janë përplasur kokë me kokë në afërsi të fshatit Zemblak duke sjellë vdekjen e menjëhershme të pasagjeres Zoi Ksila, 24 vjeç që udhëtonte në njërin nga mjetet e përfshira në këtë aksident, trupi i së cilës ndodhet akoma brenda mjetit.
Paraprakisht, sipas policisë, njeri ka njeri nga mjetet ka kryer manovër të gabuar duke sjellë dhe përplasjen e rëndë me pasojë vdekjen e një pasagjereje.
Korçë/Informacion paraprak
Rreth orës 22:00, në aksin rrugor "Korçë-Bilisht", në afërsi të fshatit Zëmblak, automjeti tip, "Benz", me drejtues shtetasin T. M., është përplasur me automjetin tip "Peugeot ", me drejtues shtetasin K. K.
Si pasojë e përplasjes ka ndërruar jetë shtetasja Z. K., pasagjere në automjetin tip "Peugeot".
Ndërsa drejtuesi i këtij automjeti është dërguar për ndihmë mjekësore në spitalin rajonal të Korçës.
Drejtuesi i automjetit tip "Benz", u shoqërua në ambientet e Komisariatit, për veprime të mëtejshme.
Grupi hetimor ndodhet në vendngjarje dhe nën drejtimin e Prokurorisë po vijon punën zbardhjen e rrethanave dhe të shkakut të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
