Qeveria izraelite i është përgjigjur ashpër deklaratave të së premtes së presidentit francez Emmanuel Macron, mbi njohjen e shtetit palestinez dhe bllokadën e ndihmës humanitare për Gazën nga Izraeli.
“Nuk ka bllokadë humanitare. Kjo është një gënjeshtër e hapur”, ka deklaruar Ministria e Jashtme izraelite, duke akuzuar Macron se është në një “kryqëzatë kundër shtetit hebre” dhe duke i kujtuar sulmin e Hamasit më 7 tetor 2023.
Në vend që të ushtrojë presion mbi terroristët xhihadistë, Macron dëshiron t'i shpërblejë ata duke u dhënë një shtet palestinez. Nuk ka dyshim se festa e tij kombëtare do të jetë 7 tetori.
Më herët edhe Ministri i Mbrojtjes, Israel Katz, u zotua publikisht të ndërtojë një "shtet hebre izraelit" në Bregun Perëndimor, një ditë pasi qeveria njoftoi krijimin e 22 vendbanimeve të reja në territorin palestinez.
Kjo është një përgjigje vendimtare ndaj organizatave terroriste që po përpiqen të dëmtojnë dhe dobësojnë kontrollin tonë mbi këtë tokë, dhe është gjithashtu një mesazh i qartë për Presidentin francez Emmanuel Macron dhe bashkëpunëtorët e tij: ata do ta njohin një shtet palestinez në letër, por ne do të ndërtojmë shtetin hebre izraelit këtu në tokë.
Vendbanimet izraelite në Bregun Perëndimor, të cilat shihen si një pengesë e madhe për paqen e qëndrueshme, dënohen rregullisht nga Kombet e Bashkuara si të paligjshme sipas ligjit ndërkombëtar, dhe njoftimi i së enjtes shkaktoi kritika të ashpra nga jashtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
