Kryeministri Edi Rama ka shkuar në Bashkinë e Tiranës paraditen e sotme është takuar me tre nënkryetarët e bashkisë, një ditë pas arrestimit të kryebashkiakut Erion Veliaj.
Gazetari Besmir Pula raportoi për MCN Live se takimi i zgjatur për afro 30-40 minuta mes kreut të qeverisë dhe zëvendësve të Veliajt u bë për të diskutuar për delegimin e kompetencave dhe drejtimin e punës së këtij institucioni vendor.
Kryeministri Edi Rama ka diskutuar për vijueshmërinë e punës së Bashkisë Tiranë, një ditë pas arrestimi të kryebashkiakut.
Pritet që të delegohet firma e Veliajt te një prej nënkryetarët e kësaj bashkie, pasi bashkia ka tre nënkryetarë Andi Seferi, Anuela Ristani dhe Keti Luarasin.
Brenda tre ditësh pak ditësh pritet delegimi i firmës dhe më pas mbetet për tu parë për vijueshmërinë.
Ndërkohë pranë bllokut të sigurisë, burimet bëjnë me dije se Veliaj ka pasur takim me avokatin e tij.
Një orë pas takimit me avokatin, mbërriti edhe drejtori Juridik i Bashkisë Tiranë Alban Dokushi me një libër dhe disa fletë që i la në ambientet e brendshme të bllokut të sigurisë.
Ky takim ka zgjatur për afro 25 minuta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
