Ish-shefi i policisë së Ulqinit, Rudolf Elezoviç i cili tashmë ishte angazhuar si polic anti-droge ka humbur në rrethana misterioze në kufirin mes Shqipërisë dhe Malit të Zi, në zonën mes fshatrave Pentar dhe Reç.
Autoritetet vendase bëjnë me dije se Elezoviç ka humbur kontaktet me familjarët e tij që prej 27 Majit. Ndërkohë raportohet se ka punuar në sektorin e anti-trafikut në Policinë Kufitare të Malit të Zi.
Elezoviç kohët e fundit kishte udhëtuar shpesh drejt Shqipërisë në kuadër të marrëveshjes dy palëshe mes dy vendeve për të goditur trafikimin e lëndëve narkotike.
Ndërkohë akoma më misterioze bëhet zhdukja e tij, pasi në mbrëmjen e 27 Majit ai ishte duke pritur në afërsi të zonës së Pentarit, në lumin Buna, një person që ta merrte dhe ta transportonte me varkë në anën tjetër të Malit të Zi. Por që nga ky moment Elezoviç rezulton i zhdukur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
