Partizani e ka nisur me fitore kampionatin, teksa ka mposhtur me përmbysje Egnatian, në “Elbasan Arena”.
Rrogozhinasit kaluan të parët në avantazh, me Ilir Camaj, që shënoi pas një gafe në mbrojtjen e vendasve.
Partizani barazoi shifrat në minutën e 57-të, me Engjëll Hotin që shënoi nga pika e bardhë e penalltisë. Kur shumica mendonin se ndeshja do të mbyllej në barazim, erdhi edhe goli i fitores.
Në minutat e fundit të takimit, ishte Xhuljano Skuka, i cili me një supergol nga jashtë zone, përmbysi rezultatin dhe i dha fitoren Partizanit, që merr 3 pikët e para.
Javën e ardhshme, Partizani përballet me Laçin, ndërsa Egnatia luan me Tiranën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
