Duke nisur nga e shtuna, Franca nis vaksinimin me dozë përforcuese dhe bën maskat të detyrueshme

Franca do të fillojë t'u ofrojë të rriturve një dozë përforcuese të Covid-19 nga e shtuna, ndërsa vala e pestë e virusit rritet.

Ministri i Shëndetësisë Olivier Véran bëri njoftimin pasi rastet, shtrimet në spital dhe vdekjet po rriten në Francë.

Ai tha se nuk ishte planifikuar asnjë bllokim i ri apo shtetrrethimi.

Megjithatë, Véran foli për një nxitje për të marrë një dozë përforcuese. Nga data një deri më 15 janar qytetarët duhet të marrin dozën përforcuese në mënyrë që kartat e tyre shëndetësore të Covid të jenë të vlefshme për hyrjen në restorante, bare dhe ambiente të tjera të brendshme.

Personat mbi moshën 65 vjeç do të duhet të marrin dozën e tretë deri më 15 dhjetor, ka njoftuar qeveria.

“Një test negativ për Covid-19 tashmë do të jetë i vlefshëm vetëm për një leje shëndetësore brenda 24 orëve nga marrja e tij”, tha Véran.

Aktualisht, testi negativ mund të përdoret si leje shëndetësore për 72 orë.

Nga e premtja, maskat do të jenë të detyrueshme në të gjitha ambientet e brendshme, edhe nëse kërkohet një leje shëndetësore. Tregjet e jashtme të Krishtlindjeve do të kërkojnë gjithashtu maska.