Më shumë se 1100 punëtorë të New York Times kanë hyrë në grevë ditën e sotme.
Kështu deklaroi sindikata e tyre, duke përmendur “dështimin e kompanisë për të negociuar me mirëbesim” mbi një marrëveshje të re të marrëveshjes kolektive.
Redaksia e gazetës dhe punonjësit e tjerë që i përkasin sindikatës së New York NewsGuild i kishin dhënë afat kompanisë deri më sot, 8 dhjetor, për të rinovuar marrëveshjen kolektive, e cila përfundoi në muajin mars 2021.
Kjo grevë 24-orëshe është e para nga punonjësit e gazetave që nga fillimi i viteve 1980 dhe është pjesë e një lëvizjeje më të gjerë që është përhapur në të gjithë SHBA-të, me punëtorët në kompani si Amazon, Starbucks dhe Apple të organizuar në një përpjekje për të kundërshtuar atë që ata e quajnë “praktikat e padrejta të punës”.
Në një deklaratë kompania shprehu zhgënjimin e saj për “këtë veprim ekstrem kur nuk kemi arritur në një ngërç”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
