Ish-deputeti Myslim Murrizi duke folur në emisionin “Zonë e Lirë” për pezullimin e vizave nga SHBA, tha se qeveria ia doli që t’i shpallë "non grata" të gjithë shqiptarët. Murrizi mendon që Serbia ka lobuar për të mos qenë pjesë e listës së 75 vendeve që SHBA u ka pezulluar vizat.
“Vizat turistike, të takimeve për efekte biznesi, dhe për studentët nuk besoj se i heqin. Preket Lotaria amerikane, bashkimi familjar. Nuk preken vizat turistike. Janë 75 vende. Është i gjithë Ballkani, përveç Serbisë. Kryesisht janë vende të botës së tretë. Është lobim i Serbisë për mua. Ky emigracion që është bërë si modë, shkojnë për punë, bëjnë letra dhe marrin asistencë nga taksat e qytetarëve, duhet të mbarojë.
Tani në një farë mënyrë, sa të merret me emra konkretë, ai ka thënë ky popull meriton këtë qeveri që ka, po i heq të gjithë non grata dhe ta gëzojnë atë narko-shtetin, narko-trafikun. Në vend të bënte non grata Ramën dhe qeverinë, ka bërë non grata 100-200 mijë veta. Kjo qeveri ia arriti t’i bëjë non grata gjithë shqiptarët”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
