Dezinformimi në lidhje me ndikimin e vaksinave kundër Covid-19 tek gratë shtatzëna dhe sesi mund të ndikojnë në fertilitet dhe menstruacione janë përhapur si një zjarr i egër, duke nxitur paralajmërime nga profesionistët e shëndetit.
Por studimet ende nuk kanë ndonjë fakt që lidh vaksinën me shtatzëninë dhe zhvillimin e fetusit, ose ciklet menstruale dhe fertilitetin tek gratë ose burrat. Në fakt, studimet dhe ekspertët thonë se është më e rrezikshme të mos bësh vaksinën.
Të dhënat e fundit nga Qendrat për Kontrollin dhe Parandalimin e Sëmundjeve (CDC) në Shtetet e Bashkuara arritën në përfundimin se vaksinat kundër Covid-19 tolerohen mirë nga gratë që janë shtatzëna apo që planifikojnë një shtatzëni, duke sugjeruar më tej përfitimet e vaksinës që tejkalojnë rreziqet.
Studimi i CDC është një nga më të mëdhenjtë në llojin e tij dhe nxori të dhëna nga një sondazh i më shumë se 17,000 individëve.
Pyetjes nëse janë vaksinat Covid-19 të sigurta për gratë shtatzëna OBSH I është përgjigjur duke thënë se rekomandon vaksinimin e grave shtatzëna kur përfitimet e vaksinimit tejkalojnë rreziqet e mundshme.
Informacioni që kemi marrë nga studimet e kryera pas prezantimit të vaksinave mRNA, tregon se gratë shtatzëna zhvillojnë antitrupa pas vaksinimit dhe këto antitrupa në të vërtetë transportohen në gjakun e kordonit dhe qumështin e gjirit. Kjo sugjeron që vaksinimi do të mbrojë jo vetëm gratë shtatzëna, por edhe fëmijët e tyre në moshë të hershme.
Një studim i kohëve të fundit i bazuar në popullsi nga Izraeli tregoi se gratë shtatzëna të vaksinuara kishin një rrezik dukshëm më të ulët të infeksionit COVID-19.
Gratë shtatzëna janë në rrezik më të lartë për sëmundje të rënda COVID-19 sesa gratë në moshë riprodhuese që nuk janë shtatzëna. Ne kemi parë dëshmi të shumta që e vërtetojnë këtë.
Por kur duhet që gratë shtatzëna të marrin vaksinën?
Kur gratë diskutojnë për vaksinën me mjekun e tyre dhe është e qartë se përfitimet e vaksinimit tejkalojnë rrezikun, atëherë ato duhet të vaksinohen menjëherë për t'i mbrojtur nga kjo sëmundje dhe të gjitha komplikimet e rënda që mund të ndodhin .
Rekomandimet e shëndetit publik po ndryshojnë vazhdimisht pasi dëshmitë e reja, të forta dalin në dritë.
Kur vaksinat e para COVID-19 u bënë të disponueshme, ekspertët e OBSH rekomanduan vaksinimin e grave shtatzëna që ishin në rrezik të lartë për të marrë sëmundjen, domethënë punonjësit e kujdesit shëndetësor në kontakt me pacientët me COVID-19. Atëherë, ne nuk kishim të dhëna të mjaftueshme për sigurinë dhe efikasitetin e vaksinimit për gratë shtatzëna pasi ato nuk ishin pjesë e provave klinike fillestare.
Efekti i vaksinave COVID mbi fetusin?
Të dhënat në dispozicion sugjerojnë se nuk ka rrezik për fetusin. Të dhënat e hershme të jetës reale mbi sigurinë e vaksinave mRNA në gratë shtatzëna erdhën nga SHBA, e cila ka një sistem të mirë-krijuar të monitorimit të sigurisë së vaksinave. Këto të dhëna nuk zbuluan ndonjë sinjal shtesë sigurie për gratë shtatzëna ose fëmijët e tyre.
Studime të tjera më të vogla gjithashtu konfirmuan zhvillimin e antitrupave mbrojtës në gratë shtatzëna të vaksinuara, efektivitetin e vaksinave mRNA në parandalimin e infeksionit COVID-19 dhe mbrojtjen e mundshme të foshnjave.
Cili është ndikimi i vaksinave COVID-19 në fertilitet?
Mitet se vaksinat COVID mund të shkaktojnë infertilitet dhe madje edhe mosfunksionim kanë bërë xhiron në mediat sociale.
Një sondazh i publikuar në Mars që u krye në Mbretërinë e Bashkuar zbuloi se rreth një e katërta e grave të reja nuk donin të merrnin vaksinën COVID pasi ishin të shqetësuara për këtë.
Dhe në korrik, kërkimet e Google për infertilitetin e lidhur me vaksinat COVID-19 u rritën me 34,0000 përqind.
Pavarësisht frikës dhe dezinformatave, nuk ka prova të njohura se vaksinat COVID mund të ndikojnë në pjellori, sipas OBSH -së.
Cili është ndikimi tek periodat?
Në blogje dhe në të gjitha mediat sociale, gratë kanë ndarë historitë e tyre për një ndryshim në ciklin e tyre menstrual, të tilla si ndryshimet në rregullsinë dhe vëllimin.
Një studim tha se është "e paqartë nëse ndryshimet e dukshme janë për shkak të vetë infeksionit/sëmundjes COVID-19, ose faktorëve të tjerë të lidhur me pandeminë si rritja e stresit psikologjik dhe ndryshimet në sjelljet shëndetësore”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
