Rreth njëqind persona demonstruan të martën përpara Ambasadës së Shteteve të Bashkuara të Amerikës në Panama pasi presidenti i zgjedhur Donald Trump kërcënoi se do të rimarrë kontrollin e kanalitit ndëroqeanik nëse ky nuk ul çmimin e tarifave për anijet amerikane.
“Trump, kafshë, mos e prek kanalin”, thërrisnin demonstruesit, të cilët dogjën portretin e republikanit të zgjedhur dhe ambasadores amerikane në Panama, Mari Carmen Aponte.
Në mesin e demonstruesve, u dëgjuan edhe slogane si “Kush shet kanalin, shet nënën e tij” , “një territor, një flamur”. Disa prej tyre mbanin tabela që lexonin "Donald Trump, Armiku Publik i Panamasë" .
Demonstrata u zhvillua pa incidente para ambasadës, e cila ruhej nga rreth njëzet policë. Kanali i Panamasë, i ndërtuar nga Shtetet e Bashkuara dhe i përuruar në vitin 1914, kaloi në duart e Panamasë më 31 dhjetor 1999 sipas traktateve të nënshkruara në vitin 1977 nga presidenti i atëhershëm i SHBA-së Jimmy Carter dhe udhëheqësi nacionalist panamez, Omar Torrijos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
