Pistë garash për të pasionuarit e shpejtësisë (VIDEO)

Për herë të parë në vendin tonë, pritet të ngrihet së shpejti një pistë e garave të  shpejtësisë për automjetet.

Lajmin e ka dhënë vetë kreu i Drejtorisë së Përgjithshme të Shërbimit të Transportit Rrugor, Blendi Gonxhe, gjatë takimit online me grupet e interesit, i cili tha se do të investohet për një park me pistë testimi eventesh dhe ngjarjesh sportive, një zonë e dedikuar veçanërisht për aktivitetet auto-moto.

Pista ku është parashikuar të ndërtohet Auto-Moto Parku i parë shqiptar, do të jetë në zonën e Rinasit.

Nisma për hapjen e pistës së garave të shpejtësisë për mjetet motorike, vjen kryesisht për të rinjtë,  të cilët aktualisht nuk kanë një pistë të tillë garimi, e që shpesh herë përdorin akset rrugore alternative për të ushtruar këtë pasion të tyrin.