Organizata Botërore e Shëndetësisë e ka shpallur zyrtarisht linë e majmunëve si emergjencë globale.
Deri tani numërohen 517 të vdekur në Afrikë, ndërkohë që Kreu i OBSH ka vënë theksin tek rëndësia e veprimeve të koordinuara për parandalimin e përhapjes së virusit.
Mjeku dhe eksperti i Shëndetit Publik, Erion Dasho, në një komunikim për ‘MCN lame’ ka bërë të ditur se është konfirmuar edhe rasti i parë jashtë Afrikës, në Suedi.
Sipas tij, situata kërkon më shumë vëmendje.
Para pak orësh është konfirmuar edhe rasti i parë i Lisë së Majmunëve jashtë Afrikës në Suedi, të një personi që vinte nga Afrika Qendrore.
Kemi një përsëritje të një situatë të shpërthimit të para dy viteve kur u konstatua më shumë raste në mbi 100 vende të botës, por në atë kohë bëhej fjalë për nëntipin 2 i cili ka vdekshmëri të ulët.
Tani bëhet fjalë për një situatë e cila kërkon më shumë vëmendje veçmas në rastet kur është numri më i madh i rasteve në Afrikë, por konstatimi i rastit të parë jashtë Afrikës, kon firmon se vëmendja e OBSH-së nuk është pa vend.
Por sipas, dr.Dasho, Evropa ka mekanizma efektive kundër pandemive dhe se eficenca e transmetimit të këtij virusi është shumë më e ulët se e Covid 19.
Evropa që me pandeminë e Covid, ka krijuar mekanizma për t’ju përgjigjur pandemive që janë shumë efektive. Arrihet mobilizimi i burimeve shumë shpejt dhe në rastin e Lisë së Majmunëve duhet thënë se nuk ka eficencën e transmetimit sikurse Covid.
Nëse për covid bëhet fjalë për miliarda përsosna të infektuar në tërë botes, në këtë rast kemi shumë më shumë raste më pak, eficenca e transmetimit është shumë më e ulët.
Nuk përhapet me atë eficencë si covid dhe Evropa i ka të gjitha mekanizmat për të parandaluar përhapjen e mëtejmë të infeksionit.
Besoj se janë të gjithë mekanizmat për tu përgjigjur situatave klinike që kërkon një ndjekje mjekësore dhe një fushatë vaksinimit duhet të jetë i gatshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
