Presidenti i Kosovës, Hashim Thaçi, shprehet optimist për liberalizimin brenda këtij viti të vizave për shtetasit kosovarë.
“Unë besoj plotësisht. Kosova i ka kryer detyrat. Unë besoj plotësisht, sepse shoh një optimizëm te të gjithë liderët”, tha Thaçi gjatë një prononcimi për mediat ndërsa po ndjek punimet e Samitit të Sofjes.
Ndërsa në lidhje me dialogun Prishtinë-Beograd, Thaçi tha se ai mbetet prioriteti dhe rruga e vetme e zgjidhjes. “Nuk do të ketë as falje as shkëmbim territoresh, do të ketë dialog për normalizim të marrëdhënieve. Askush nuk do të pranojë as Kosvën as Serbinë me konflikte. Kusht është fqinjësia e mirë. Dialogu do të mbetet prioritet. Do të jenë i vështirë, por ne jemi zotuar që të respektojmë këshillat, sugjerimet e BE. Zgjidhja më e arsyeshme është zgjidhja ligësisht obligative që do t’i japin mbështetje SHBA-të dhe BE-ja”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
