Zjarr masiv në Parkun arkeologjik të Finiqit/ Terreni i vështirë pamundëson ndërhyrjen e zjarrfikësve

Parku arkeologjik i Finiqit është përfshirë nga një zjarr masiv i lokalizuar 9 km në lindje të Sarandës.

Flakët janë përhapur me shpejtësi në të gjithë territorin prej mesditës së sotme, teksa ka hyrë tashmë edhe në territorin e bashkisë Delvinë.

Burime të MCN tv, bëjnë me dije se po rrezikohen edhe tokat me ullinj në Stjar.

Tre zjarrfikëse te Finiqit, një e Sarandës, një e Delvinës dhe një e Himarës ndodhen në vend ndërkohë zjarrfikësve u janë bashkuar për ndihme edhe banorët e fshatit.

 Zjarri favorizohet edhe nga era si dhe temperaturat e larta ndërkaq shkaqet e zjarrit ende nuk dihen. Parku arkeologjik i Finiqit është i deklaruar Park Arkeologjik Kombëtar në vitin 2005.