Vrasja e deputetit konservator Sir David Amess po trajtohet si një incident terrorist nga policia. Sir David u godit me thikë disa herë në operacionin e tij elektoral në Leigh-on-Sea në Essex të premten.
69-vjeçari u godit disa herë me thikë ndërsa ndodhej në një kishë në Essex duke bërë takime rutinë elektorale.
Policia e Essex-it bëri të ditur se si i dyshuar për ngjarjen u arrestua një 25-vjeçar dhe tashmë dedektivët e anti-terrorit janë duke hetuar për motivet e tij.
Sipas mediave në vend, bëhet fjalë për një të ri me origjinë nga Smali dhe vrasja deri më tani është duke u trajtuar si sulm i mundshëm terrorist. Policia Metropolitane tha se kishte lidhje potenciale me ekstremizmin islamik.
Po ashtu, po shikohet edhe nëse autori mund të ketë pasur probleme të mundshme të shëndetit mendor. Tashmë hetuesit do të kontrollojnë telefonin dhe gjurmët që 25-vjeçari ka lënë në internet.
Sekretari i Brendshëm Priti Patel u ka kërkuar forcave të policisë që të rishikojnë menjëherë anganzhimet e sigurisë për deputetët, duke thënë se vrasja përfaqësonte "një sulm të pakuptimtë mbi vetë demokracinë".
Sir David ishte deputet që nga viti 1983 dhe ishte i martuar me pesë fëmijë. Ai është deputeti i dytë në detyrë që vritet në pesë vitet e fundit, pas vrasjes së deputetit të Punës Jo Cox në 2016.
Kryeministri Boris Johnson e përshkroi atë si "një nga njerëzit më të mirë dhe më të urtë në politikë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
