Donald Trump ka lehtësuar presionin ndaj Koresë së Veriut për të shkatërruar sa më shpejt armët e saj bërthamore, duke pranuar se nuk ka afat kohor.
Mes dyshimeve në rritje rreth perspektivës për denuklearizim, Koreja e Veriut hodhi një hap më pranë përmbushjes së një prej angazhimeve të saj nga Samiti i Singaporit, ai i riatdhesimit të eshtrave të personelit ushtarak amerikan të vrarë në Luftën Koreane.
Presidenti amerikan tha se nuk kishte "asnjë nxitim për shpejtësi", sepse Koreja e Veriut nuk kishte testuar asnjë rakete balistike gjatë nëntë muajve të fundit.
"Nuk kemi afat kohor. Ne nuk kemi kufi të shpejtësisë", tha Trump në një takim me anëtarët e Kongresit të martën.
"Ne po kalojmë këtë proces, por marrëdhëniet janë shumë të mira".
Menjëherë pas samitit të tij me udhëheqësin e Koresë së Veriut Kim Jong-un në Singapor muajin e kaluar, Trump këmbënguli se procesi i denuklearizimit do të "shkojë vazhdojë shpejt". Më parë këtë muaj, këshilltari i sigurimit kombëtar i Shtëpisë së Bardhë, John Bolton, theksoi se "pjesa dërrmuese e programeve të tyre" mund të shkatërroheshin brenda një viti.
Megjithatë, ministria e jashtme e Koresë së Veriut akuzoi Shtetet e Bashkuara për shkatërrimin e atmosferës së vullnetit të mirë duke bërë një "kërkesë të njëanshme dhe të fortë për denuklearizimin".
Në samitin e Singaporit, Kim bëri një premtim të hapur që "të punojë drejt denuklearizimit të plotë të Gadishullit Korean". Në këmbim, Trump ofroi garanci të sigurisë në Korenë e Veriut dhe pezulloi stërvitjet e përbashkëta ushtarake me Korenë e Jugut.
Analistët vazhdimisht kanë paralajmëruar se premtimi për denuklearizimin ishte i paqartë dhe nuk kishte afat kohor. Koreja e Veriut ka premtuar prej kohësh "denuklearizimin e plotë" të gadishullit si një proces me faza që përfshin hapa të ndërsjella në të dy anët e kufirit.
Zyrtarët e regjimit njoftohet se nuk u paraqitën në një takim të planifikuar me homologët e SHBA javën e kaluar. Të dielën, Koreja e Veriut dhe Shtetet e Bashkuara mbajtën bisedimet e para të nivelit të lartë të oficerëve që nga viti 2009.
Sekretari amerikan i Shtetit, Mike Pompeo, kishte thënë më parë se takimi i së dielës kishte prodhuar "angazhime të forta" duke përfshirë rifillimin e operacioneve në terren në Korenë e Veriut "për të kërkuar për rreth 5300 amerikanë që nuk u kthyen kurrë në shtëpi".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
