Mjafton të ushqehesh për dy muaj me një dietë të pasur me fruta dhe perime, për të pasur spermatozoide më të shëndetshme. Ky është përfundimi i një studimi të prezantuar së fundmi në kongresin e Shoqatës Italiane të Andrologëve.
Studimi është kryer me 30 pacientë të moshës 25-40 vjeç, jo duhanpirës, që vuajnë nga infertiliteti idiopatik.
“Mungesa në dietën ushqimore e antioksidantëve u provua se ishte e lidhur ngushtë me dëmtimin e spermatozoideve dhe fragmentimin e AND-së së spermës. Kur i shtohet edhe stili jo i shëndetshëm i jetesës dhe faktorë të tjerë me risk si mosha, ndotja e mjedisit, cigarja ose alkooli, mund të ndikojnë ndjeshëm në fertilitetin mashkullor”, thotë Alessandro Palmieri, president i Shoqatës Italiane të Andrologëve (SIA) dhe profesor në Universitetin e Napolit.
Vullnetarët që morën pjesë në studim ishin mesatarisht mbipeshë. Atyre iu caktua një dietë me 1500 kalori në ditë, e cila përbëhej 25% nga proteina dhe karbohidrate dhe shumë fruta e perime.
Dy muaj më pas, studiuesit konstatuan se lëvizshmëria e spermatozoideve ishte rritur nga 10 në 25%.
Po ashtu, u vu re një përmirësim domethënës në fragmentimin e ADN-së. Nëse treguesi i fragmentimit ishte 20% para dietës, pas saj ai kishte rënë në 12%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
