Shkon në 15 numri i të prekurve nga koronavirusi në Shqipëri. Ministrja e Shëndetësisë, Ogerta Manastirliu tha në daljen e fundit për mediat se deri pasditen e së mërkurës, ora 19:00, janë gjithsej 238 raste të testuara, 15 prej të cilave janë pozitive.
Tre rastet e tjera kanë dalë nga testimet e kryera përgjatë orëve të fundit.
Sipas ministres, gjatë orëve të fundit janë testuar 34 raste, nga të cilat, 31 kanë rezultuar negative dhe vetëm 3 pozitive.
Tre rastet në fjalë lidhen me pacientin zero dhe janë futur në vetëkarantimin.
Dy rastet e para në Shqipëri u konfirmuan mbrëmjen e së dielës.
Një ditë më pas, numri arriti në 6, ndërsa mesditën e sotme numri arriti në 12. Ndërkohë, po sot, u regjistrua edhe vdekja e parë nga koronavirusi.
Autoritetet shëndetësore thonë se ky është fillimi i epidemisë dhe numri i të prekurve pritet të rritet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
