“Lamtumirë verë”, Tirana përfshihet nga reshje të dëndura shiu

I nxehti i verës i ka lënë vendin shirave duke i thënë lamtumirë edhe verës.

Prej mesditës së sotme Tirana është përfshirë nga reshje të dendura shiu në këtë fund gushti.

Në disa lagje të kryeqytetit ka pasur probleme me qarkullimin e mjeteve dhe lëvizjen e këmbësoreve për shkak të reshjeve të dendura.

Shumë qytetarë janë gjendur të papërgatitur ndërsa është vështirësuar trafiku. 

Policia rrugore u kërkon drejtuesve të mjeteve të bëjnë kujdes sidomos në autostradën Tiranë-Durrës.