Kina ka paralajmëruar SHBA-në se çdo përpjekje për ta bërë Tajvanin të pavarur nga Kina do të shkaktojë veprime ushtarake nga forcat e Pekinit.
Ministri kinez i Mbrojtjes Wei Fenghe u takua me homologun e tij amerikan Lloyd Austin gjatë një samiti të sigurisë në Singapor.
Ndarja e Tajvanit nga Kina nuk do t'i linte ushtrisë kineze zgjidhje tjetër veçse të "luftonte me çdo kusht", tha Wei.
Austin më vonë e quajti aktivitetin ushtarak kinez "provokues, destabilizues".
Ai tha se kishte një numër rekord të avionëve kinezë që fluturonin afër ishullit pothuajse çdo ditë, gjë që "minon paqen dhe stabilitetin në rajon".
Kina e sheh Tajvanin e vetëqeverisur si një pjesë integrale të territorit të saj, një qëndrim që e shtyu zotin Wei të dënonte shitjet e armëve amerikane në Tajvan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
