Opozita ka lajmëruar sot se ditën e enjte do të protestojë prej orës 09:30 përpara Parlamentit, gjatë kohës do të zhvillohet një tjetër seancë plenare.
Njoftimi u bë sot nga ish-deputetit demokrat, Gent Strazimiri, i cili përmes një postimi në rrjetet sociale, kritikoi ministrin e Brendshëm, Sandër Lleshaj, lidhur me sigurinë në kryeqytet pas vrasjes së Jurgen Kurtit, mbrëmjen e djeshme.
"Llesh, brenda 72 orëve, 2 vrasje mu në zemër të Tiranës! Policia në drejtim të paditur...njësoj si vrasësit...Po ti mos e vrit mendjen! Ti shih të kesh mjaftueshëm gaz helmues për gratë, pleqtë e fëmijët që do dalin në protestë të enjten në orën 09.30 para Parlamentit "339"... pasiguria s'është detyra jote...", shkruan Strazimiri.
Kjo është protesta e gjashtë me radhë që opozita e bashkuar organizon që pas djegies së mandateve të deputetëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
