Rezoluta e Dhomës së Përfaqësuesve në SHBA/ Mbështetje për një republikë demokratike, dënohen shkeljet e regjimit 

Një rezolutë e Dhomës së Përfaqësuesve në SHBA që mban datën 26 shkurt dënon ashpër regjimin Iranian dhe shkeljet e të drejtave të njeriut. 

Rezoluta që mori mbështetje dy partiake me 150 ligjvënës, po ashtu mbështet të drejtën e popullit iranian për të krijuar një republikë demokratike, laike dhe jo-bërthamore. Rezoluta po ashtu njeh rolin e njësive të Rezistencës në organizimin e protestave brenda vendit kundër shtypjes së regjimit. 

Po ashtu vihet në dukje Planin me Dhjetë Pika të propozuar nga Maryam Rajavi, Presidente e zgjedhur e Këshillit Kombëtar të Rezistencës së Iranit (NCRI), si një alternativë demokratike dhe e realizueshme ndaj regjimit aktual.

Në rezolutë bëhet thirrje për republikë demokratike të bazuar në votën e lirë, zgjedhje të lira, barazi gjinore, ndarjen e fesë nga shteti, një Iran jo-bërthamor dhe bashkëjetesë paqësore me vendet e tjera.  

Po ashtu evidentohen shkeljet sistematike të të drejtave të njeriut në Iran, sidmos ndaj grave, të burgosurve politikë dhe pakicave religjioze dhe etnike. Po ashtu theksohet ekzekutimi i 500 të burgosurve, përfshirë të paktën 17 gra, brenda katër muajve të parë të presidencës së Masoud Pezeshkian. 

Dënohen operacionet e Iranit në financimin e grupeve terroriste, sulmet ndaj anijeve ndërkombëtare dhe rolin e tij në destabilizimin e Lindjes së Mesme. Gjithashtu përmenden shkeljet e Tehranit sa i takon Mospërhapjes Bërthamore dhe niveleve të uranimit, që tregojnë ambicie bërthamore. 

Despozita 166 njeh  drejtës së popullit iranian për të rezistuar kundër shtypjes së regjimit. Rezoluta i bën thirrje komunitetit ndërkombëtar të mbështesë protestuesit iranianë dhe Njësitë e Rezistencës në luftën e tyre kundër Gardës Revolucionare Islamike dhe forcave të tjera shtypëse.