Vetëm pak muaj para zgjedhjeve të qershorit, situatat brenda kampit të maxhorancës nuk duket aspak e qetë. Pas deklaratave të dy përfaqësuesve të LSI-së që paralajmëruan mundësinë e daljes pa PS-në në zgjedhjet parlamentare, reagon edhe Partia Socialiste.
Është deputeti Vladimir Kosta i cili i ka kthyer një përgjigje LSI-së duke shkruar në rrjetet sociale se kjo sjellje “më shumë ngjan si rritje pazari sesa sjellje mes partnerësh politike”.
Ky reagim i Kostës vjen pas deklaratës së ministrit të Drejtësisë, Ylli Manjani dhe deputetes së LSI-së, Silva Caka.
Statusi i Vladimir Kostës:
Ministri i Drejtësisë dhe një kolege e LSI-së nuk e fshehin se nuk janë komod me kolalicionin me PS. Shumë nga aryset që japin, përveç tyre, nuk i kupton asnjë i majtë në vend. Kjo loja e tipit jemi dhe s’jemi aleatë vetëm sa po e çorienton elektoratin e majtë. Më shumë ngjan si rritje pazari sesa sjellje mes partnerësh politike. Mbase është koha që LSI ta provoj veten sa vlen e vetme në zgjedhje… Duhet ta respektojmë këtë dëshirë të tyre.
Ky reagim vjen pasi deputetja e LSI-së, Silva Caka deklaroi mbrëmjen e djeshme se LSI duhet të dalë e vetme në zgjedhjet parlamentar të 18 qershorit. Caka tha se LSI ka një kontratë me qytetarët dhe si e tillë prova e madhe e saj është që në zgjedhje të dalë e vetme.
Por Caka sqaroi se ky është një mendim i saj personal dhe nuk ka asnjë vendim të forcës që ajo përfaqëson. “Ky është mendimi im personal që për mua do të jetë votë publike në forumet e LSI, por a do të fitojë mendimi im apo jo, këtë do ta kenë në dorë forumet e partisë”, – u shpreh ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
