Princesha Mako e Japonisë, mbesa e perandorit, është martuar me të dashurin e saj të kolegjit Kei Komuro duke hequr dorë nga titulli i saj mbretëror dhe duke thënë se ishte e vendosur të ndërtonte një jetë të lumtur me burrin e saj pas një fejese të trazuar.
Sipas ligjit japonez, anëtaret femra të familjes perandorake humbasin statusin e tyre pas martesës me një “të zakonshëm”, në ndryshim nga burrat.
Ajo gjithashtu anashkaloi ritet e zakonshme të martesës mbretërore dhe hodhi poshtë pagesën prej 1.3 milionë dollarësh që u jepet zakonisht grave mbretërore pas largimit nga familja. Ajo është anëtarja e parë femër e familjes mbretërore që i refuzon të dyja.
Çifti pritet të shpërngulet në SHBA, ku Komuro punon si avokat. Lëvizja ka sjellë krahasime të pashmangshme me mbretërit britanikë Meghan Markle dhe Princin Harry, duke u dhënë të sapomartuarve pseudonimin “Harry dhe Meghan i Japonisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
