2 shkurti i çdo viti njihet si “Dita Botërore e Ligatinave”. Kjo ditë shënon datën e miratimit të Konventës për Ligatinat në 2 shkurt 1971 në qytetin Iranian të Ramsar-it.
Ligatinat ose sistemet e “tokave të lagura”, janë sipërfaqe ujore të përhershme ose përkohshme deri në 6 metra thellësi, dhe përbëjnë një ekosistem mjaft i rëndësishëm që siguron larmi përfitimesh përfshirë filtrimin e ujit, sigurimin e biodiversitetit, mbrojtjen e bregdetit dhe zbutjen e ndryshimeve klimatike.
Publiku i gjerë është pak i ndërgjegjshëm për këto shërbime të rëndësishme të ligatinave.
Dita Botërore e Ligatinave është një mundësi e mirë për të kërkuar ndryshimin e situatës dhe ndërgjegjësuar publikun mbi rëndësinë që kanë ligatinat për të ardhmen e njerëzimit.
Ligatinat janë mjedise natyrore shumë delikate të cilat mbartin diversitet biologjik shumë të pasur.
Shqipëria dallohet për një sërë ligatinash me rëndësi ndërkombëtare, sikundër janë ato të Butrintit, të Divjakë-Karavastasë, zona e Liqeneve të Prespës si dhe ajo e Liqenit të Shkodrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
