Në vitin 2018 nisi ndërtimi edhe për korsinë e biçikletave në liqenin artificial të Tiranës, por sot fatkeqësisht degradimi është prezent në shumë pjesë të saj.
“Janë të çara, na pengojnë këto korsitë, por u mësuam tani. S’i kanë bërë si duhet, me standart, prandaj janë prishur. Duken edhe keq nga pamja vizuale. Mirë kjo, por edhe i kanë zënë me kioska. Shumë problem janë për ne”-shprehen çiklistët.
Xhadat konstatoi se dëmtimi, ka nisur një vit më parë, kohë në të cilën këto kanale u mbushën. Sot ato janë kthyer sërish në gjendjen e mëparshme. Prishja e tyre në një afat kaq të shkurtër tregon se cilësia e punimeve, ka qenë e dobët.
Në korsitë e biçikletave në rrugët “Hoxha Tahsin” disa nga kufizueset janë hequr dhe mungon sinjalistika. Gjithashtu problem për çiklistët që frekuentojnë këtë korsi është edhe stacioni i autobusit. Në momentin që urbani ndalon, çiklistët ose duhet të kalojnë në rrugë, ose do të përplasen me njerëzit që zbresin prej tij.
Korsia e biçikletave në zonën e Bllokut, është ndër më të rrezikshmet, pasi në një pikë ajo ndërpritet dhe çiklistët përfundojnë në rrugën e makinës.
Kur mungojnë as rastet kur në mes të korsisë së biçikletave shfaqen edhe pusetat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
