Tri parti proeuropiane të qendrës së djathtë nënshkruan një marrëveshje në Rumani që synon formimin e një qeverie që mund të drejtohet nga ekonomisti Florin Citu.
Marrëveshja vjen vendi mbajti zgjedhjet parlamentare në 6 dhjetor.
Ish-kryeministri, Ludovic Orban, drejtuesi i Partisë Kombëtare Liberale (PNL) i cili dha dorëheqjen pasi partia e tij mori 25% të votave tha: "Ne duam t'i japim shpejt Rumanisë një qeveri që ndjek reformat që mund të modernizojnë vendin."
PNL do të hyjë në koalicion me dy parti të tjera: USR-Plus dhe Partia e Pakicës Magyar (UDMR).
Koalicioni i ri do të propozojë për kryeministër ministrin aktual të Financave, Florin Citu.
"Unë jam i sigurt se do të jetë një qeveri e qëndrueshme, afatgjatë dhe do t’u përkushtohet interesave të qytetarëve", tha Citu.
Pritet që Presidenti i Rumanisë, Klaus Iohannis, së shpejti të miratojë emërimin e kryeministrit të ri. Kjo do të pasohet nga votëbesimi i tij në Parlament para fundit të vitit.
Qeveria rumune po përpiqet të përparojë me fushatën e vaksinimit COVID-19 të planifikuar për të filluar në 27 dhjetor. Ka më shumë sfida përpara për qeverinë e re: Ajo duhet të votojë projekt-buxhetin e vitit 2021 dhe të zbatojë reformat për të rigjeneruar ekonominë.
Në tërësi, koalicioni do të ketë 244 vende nga një total prej 465 në të dy dhomat e Parlamentit.
PNL pritej t’i fitonte zgjedhjet por u mund nga Social Demokratët (PSD) të cilët morën 30% të votave. Sidoqoftë, pa asnjë partner për koalicion, PSD-së iu desh t'u jepte drejtimin e vendit partive të qendrës së djathtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
