Netanyahu: Sa kohë të jem unë Kryeministër, nuk do të ketë shtet palestinez

Vetëm fitorja totale do të garantojë eliminimin e Hamasit dhe kthimin e pengjeve tona.

Një deklaratë e tillë vjen nga Kryeministri izraelit Benjamin Netanyahu.

Si Kryeministër i Izraelit, unë e mbështes këtë qëndrim me vendosmëri edhe përballë presionit të madh ndërkombëtar dhe të brendshëm.

Ishte kjo kokëfortësi e imja që pengoi një shtet palestinez për vite që do të kishte krijuar një rrezik ekzistencial për Izraelin. Për sa kohë që unë jam Kryeministër, ky do të jetë pozicioni im.

Ndërkohë mbrëmjen e së dielës familjet e pengjeve izraelite që mbahen ende në duart e Hamasit ngritën disa tenda përpara rezidencës së Netanyahut në Jerusalem.

“U tronditëm kur dëgjuam se Kryeministri vendosi të sakrifikojë familjarët tanë, duke i lënë ata në fatin e tyre të tmerrshëm në nofullat e monstrave të Hamasit”, thanë familjarët pasi dëgjuan fjalimin e kreut të shtetit.