Roli që luajnë nënat në mbipeshën e fëmijëve

Nëse mëkatet e baballarëve nuk bien detyrimisht mbi fëmijët, përgjegjësia e nënave për edukimin e tyre ushqimor është e drejtpërdrejtë.

Kështu mund të përmblidhet studimi i fundit, në të cilin konstatohet se konsumimi i ushqimeve ultra të përpunuara gjatë edukimit shoqërohet me një rrezik më të madh që pasardhësit të bëhen mbipeshë ose obezë. Edhe pse specialistët vërejnë se shumë varet edhe nga mbivendosja e faktorëve socialë.

Megjithatë, një fakt mbetet i sigurt: ekziston një kordon kërthizor i përhershëm, sado i padukshëm, që vazhdon të lidh nënat me fëmijët dhe kjo ndikon në sjelljen e tyre. Edhe ushqimi.

Ashtu si matematika, edhe psikologjia nuk është një opinion, sepse çdo hap i prindërve lë një gjurmë pak a shumë të thellë në rrugën e fëmijëve të tyre, aq sa edhe para konceptimit, zakonet e të parëve hapin rrugën e tyre dhe si një lloj fije e padukshme, ky ndikim vazhdon gjatë gjithë fëmijërisë dhe adoleshencës.

Edhe nëse vendi ku ata jetojnë, të ardhurat e familjes apo arsimimi i prindërve luajnë të gjithë një rol vendimtar në edukimin dhe zhvillimin e fëmijëve.

Por ndikimi në ushqim është i drejtpërdrejtë, sepse gjatë shtatzënisë ka një lidhje të drejtpërdrejtë përmes kordonit kërthizor të gruas shtatzënë.

Studimi i kryer nga një grup studiuesish në Shkollën Mjekësore të Harvardit u botua të mërkurën në revistën shkencore British Medical Journal dhe në të thuhet se ka një lidhje të ngushtë midis konsumit nga nëna të ushqimeve ultra të përpunuar dhe peshës trupore të fëmijëve të tyre. Konfirmimi vjen pasi u studiuan të dhënat dietike dhe sjelljet e një grupi prej rreth 20.000 fëmijëve të lindur në Shtetet e Bashkuara të Amerikës, nga më shumë se 14.500 nëna.

Kësisoj pavarësisht nga faktorët e tjerë të rrezikut të stilit të jetesës si duhanpirja, statusi martesor, edukimi i babait ose aktiviteti fizik, fëmijët e grave që konsumojnë më shumë ushqime ultra të përpunuara kanë deri në 26% rrezik më të lartë për të zhvilluar mbipeshë ose obezitet, se fëmijët e atyre nënave që hanë më pak.

Me shumë ushqime të përpunuara, nënkuptohen produkte të tilla si proshutë, pije me sheqer, pije energjike dhe akullore që i janë nënshtruar përpunimit intensiv industrial.

Studiuesit e Harvardit, bazuar në rezultatet e studimit, iu rekomandojnë fuqimisht nënave që të përmbahen nga konsumimi i ushqimeve ultra të përpunuara “për të shmangur mbipeshën për fëmijët e tyre”, pasi është e verifikuar matematikisht, se ka një ndikim të dukshëm në dietën e prindërve pasardhës.

Sipas OBSH-së, rreth 39 milionë fëmijë nën moshën 5 vjeç në mbarë botën ishin obezë ose mbipeshë në vitin 2020.