Koronavirusi ka “shkretuar” zyrat. Sipas një vëzhgimi të kryer në mars nga Josas Immobiliare, në Romë, Itali, rreth 950 mijë metra katrorë sipërfaqe zyrash ishin bosh.
“Oferta tani është diçka e vjetër”, thotë Mauro Ciardi, shef i departamentit të korporatave për Josas Imobiliare.
Në fakt, një krizë e tillë kishte nisur më parë, por koronavirusi vetëm sa e përshpejtoi. Kompani të vogla dhe të mesme kishin bashkëpunuar edhe më parë për ndarjen e mjediseve të punës.
"Disa kompani të mëdha kanë zgjedhur këtë praktikë, pra smart working. Ato po shqyrtojnë nevojat e tyre për hapësira, që gjithashtu lidht me uljen e mundshme të stafit që duhet do të zbatojnë për t'u përballur me krizën", shton presidenti i Fimaa (Federata Italiane e Brokerëve të Biznesit), Maurizio Pezzetta.
Një problem që prek gjithashtu sipërmarrësit e mesëm të vegjël, tregtarët, profesionistët dhe shërbimet që së bashku përfaqësojnë përqindjen më të madhe të tregut imobiliar në zona të caktuara. Sipas Pezzetta-s, "të dhënat tregojnë një kërkesë në ulje të qirave në progres për ambientet tregtare dhe zyrat prej rreth 30%, ashtu siç kemi monitoruar një ulje prej rreth 25-30% në kërkesën që hapësira të ndahet me të tjerë, një shifër përfaqëson një përqindje më pak negative se sa prisnim. Dhe tarifat e kërkuara aktualisht janë ulur mesatarisht me rreth 10-15%, krahasuar me pritshmëritë fillestare".
Puna në distancë e ka tkurrur kërkesën për mjedise. Me situatën e krijuar nga Covid-19, ajo u bë domosdoshmëri dhe aktualisht pothuajse të gjitha kompanitë e aplikojnë.
Prandaj, punëdhënësi e gjen veten me hapësira të papërdorura: u duhen zyra më të vogla. Ndërkohë, pronarët duhet të ulin çmimet e qirave në mënyrë që të sigurojnë një kontratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
