Regjisori Kastriot Çipi tha në emisionin “Arnautistan” se vendet me demokraci më të lartë janë ato me demokraci direkte, sikurse është Zvicra. Sipas regjisorit në SHBA ka një demokraci më të lartë se në Itali, me gjithë problemet që ka demokracia amerikane. “Nivelin më të lartë të demokracisë sot e kanë vendet me demokracisë direkte, e kanë Zvicra, Lihtenshtajni dhe pastaj vjen demokracia amerikane me gjithë problemet që ka. Kam 1000 kritika për sistemin amerikan, por kurrsesi nuk mendoj që Italia është vend më demokratik se Amerika. Italia i detyroi njerëzit të vaksinohet ndonëse e ka me kushtetutë që njeriu nuk mund t’i nënshtrohet trajtimit shëndetësor pa pëlqimin e tij. Italia është më e rreme se Amerika. Edhe e ashtuquajtura e djathtë italiane s’është aspak e djathtë, është qendër e djathtë”, tha Çipi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
