Një grup grabitësisht që kishte si objektiv mjetet e transportit të parave apo sendeve të tjera me vlerë është zbuluar nga policia italiane. Ai përbëhej nga italianë dhe shqiptarë.
Operacioni “Last Lady” i kryer njëkohësisht në disa province të Italisë si Salerno, Foggia, Napoli e Verona, por edhe në Gjermani ka ekzekutuar urdhrat e arrestit për disa prej anëtarëve të grupit.
19 persona me origjinë nga Salerno, Foggia, Napoli dhe Shqipëria akuzohen si pjesë e grupit ndërkombëtar që kryente grabitje duke përdorur edhe armë lufte.
Hetimet kanë nisur pas grabitjes së një furgoni që transportonte para në Fisciano, në shkurt të këtij viti.
Përgjimet e telefonave zbuluan më pas strukturën e grupit dhe çuan në identifikimin e pjesëtarëve të tij.
Hetuesit kanë arritur të dokumentojnë të paktën pesë grabitje me armë, ndër të cilat është përdorur edhe Kallashnikovi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
