Një ngjarje e rëndë ka ndodhur pasditen e kësaj të premteje në rrugën "Fadil Bodinaku" në Tiranë.
Edmond Papa, 49 vjeç ka ndërruar jetë pasi është qëlluar me armë zjarri në një lokal nga një person ende i paidentifikuar.
Bëhet me dije se si pasojë e plagëve të marra 49-vjeçari ka ndërruar jetë në spital.
Mësohet se Papa ka qenë biznesmen në Sarandë.
Njoftimi i policisë: Tiranë/Informacion paraprak
Rreth orës 16.30, në rrugën "Fadil Bodinaku", në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë shtetasin E. P., 49 vjeç, i cili si pasojë e plagëve të marra ka ndërruar jetë në spital.
Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve.
Shërbimet e Policisë po vijojnë kontrollin e zonës për të bërë të mundur kapjen e autorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
