Kryetari i PD-së, Lulzim Basha, thotë se shembja e Teatrit shënon fillimin e protestave mbarëpopullore. Në një prononcim për mediat, Basha tha se vendimi është marrë në takimin që pati sot me aleatët.
''Dita e sotme është një shembull i keq se vendi drejtohet nga një kriminel, i cili ka marrë peng bukën e gojës së shqiptarëve. Prej 7 vitesh PD dhe opozita ka bërë betejë me të. Kemi demaskuar korrupsionin dhe rendin kushtetues, të zgjedhjeve të vjedhura. Është guri i rëndesës për çdo shqiptar që vuan prej pamundësisë nga hajdutëria e babazitue e Edi Ramës”, tha ai.
Basha iu rikthye marrëveshjes me Ramën, e bërë si sot tre vjet më parë. Kreu i PD-së e cilësoi lëvizje të gabuar marrëveshjen që futi PD-në përkohëshist në qeveri, deri në zgjedhjet e qershorit të 2017.
“Si sot para 3 vjetësh më 17 maj, unë u ula me këtë njeri me shpresën se mund të arrihej një marrëveshje në të mirë të vendit po koha e tregoi se gabova. Por nuk do gaboj përsëri. Mbështesim Aleancën për Mbrotjen e Teatrit dhe do ketë organizim të protesatave qytetare dhe mbarë popullore, me efekt të menjëhershëm”, tha ai.'
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
