Në një intervistë për BBC, Zonja e Parë e Ukrainës, Olena Zelenska, deklaroi se nëse mbështetja për vendin e saj do të kishte qenë e fortë, kriza do të ishte më e shkurtër.
Gazetares që e pyeti se çfarë mesazhi kishte për njerëzit në Mbretërinë e Bashkuar që po përballen me rritjen e faturave të energjisë, pjesërisht për shkak të pushtimit rus të Ukrainës, bashkëshortja e Zelensky-t pranoi se ndikimi ekonomik i luftës është i ashpër për vendet aleate të Ukrainës.
Megjithatë ajo vuri në dukje se ndërsa britanikët “numërojnë paratë”, ukrainasit “numërojnë viktimat”.
Unë e kuptoj që situata është shumë e vështirë. Por më lejoni t'ju kujtoj se në kohën e epidemisë së Covid-19, kur u regjistruan rritjet e çmimeve, u prek edhe Ukraina. Çmimet rriten edhe në Ukrainë ku përveç kësaj njerëzit tanë po vriten. Pra, ndërsa ju numëroni paratë në llogarinë tuaj bankare, ne numërojmë viktimat tona”.
Gjatë intervistës, e cila do të transmetohet nesër, Zelenska ka dashur të theksojë ekuilibrin njerëzor të luftës:
Prandaj duhet t'i tregojmë këto histori, t'i tregojmë këto histori, sepse këto janë fytyrat e një lufte, jo një numër bombash, jo shuma e parave të shpenzuara, por histori njerëzore”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
