Ambasadorët e vendeve të Bashkimit Evropian kanë arritur marrëveshje për ashpërsim të rregullave për gazjellësin rus që do të kalojë nga Rusia në Gjermani, por ata kanë vendosur të mos e mbështesin planin për ndalimin e ndërtimit të tij.
Puna në tubacionin Nord Stream 2, është duke u ndërtuar në pjesën e segmentit nënujor të Detit Baltik, i cili është 1225 kilometra i gjatë dhe që pritet të përfundojë deri në fund të këtij viti. Sidoqoftë, BE-ja dëshiron që gazi rus të hyjë në vendet e saj vetëm sipas rregullat evropiane të energjisë.
Në anën tjetër, Gjermania po frikësohet se zbatimi i këtyre rregullave do ta bëjë gazsjellësin të papërdorshëm dhe joekonomik. Megjithatë, ambasadorët e 27 vendeve u pajtuan me kompromisin e arritur franko-gjerman, sipas të cilit Gjermania do të mbetet udhëheqëse e negociatave pë projektin “Nord Stream 2”.
Rusia aktualisht furnizon 40 për qind të sasisë së përgjithshme të gazit të shpenzuar nga vendet e Bashkimit Evropian. Për vite me radhë, blloku 28-anëtarësh ka qenë i shqetësuar në lidhje me mbështetjen ndaj gazit rus.
Nord Stream 2 vetëm do të rrisë furnizimin e Rusisë, por gjithashtu do të thotë se, së bashku me projektin e saj TurkStream, Rusia do të jetë në gjendje të anashkalojë tubacionet e Ukrainës. Humbja e tarifave të tranzitit do ta godiste ekonominë e Ukrainës.
Një prioritet i madh për BE është rritja e konkurrencës dhe në vend të një marrëveshjeje të ndryshme për tubacionet që hyjnë në bllok, ai dëshiron që Nord Stream 2 të hyjë në rregullat e brendshme të BE mbi transparencën dhe ndarjen e pronësisë së tubave nga furnizuesi.
Ajo po përpiqet të shikojë përtej gazit rus - importet e gazit natyral të lëngëzuar të SHBA (LNG) dhe tubacionet e reja, të tilla si një tubacion i planifikuar Norvegji-Poloni nëpërmjet Danimarkës, që do të furnizonte Suedinë dhe shtetet e tjera fqinje.
Bizneset gjermane kanë investuar shumë në Nord Stream 2 dhe ish-Kancelari, Gerhard Schröder po drejton projektin.
Si dhe njësia e Gjermanisë Uniper dhe BASF për Wintershall, kompanitë e tjera evropiane kanë aksione gjithashtu, përfshirë Anglo-Holandeze Shell, OMV të Austrisë dhe Engie të Francës.
Kancelarja Angela Merkel u përpoq të siguroi shtetet e Evropës Qendrore dhe Lindore të enjten se tubacioni nuk do ta bënte Gjermaninë të mbështetej në Rusi për energji.
"Gjermania do të zgjerojë rrjetin e terminaleve të gazit, ne nuk duam të jemi fare të varur vetëm nga Rusia", tha ajo.
Zëdhënësi i qeverisë ruse Dmitri Peskov tha se Moska shpresonte që mosmarrëveshja të zgjidhej. "Ne ende besojmë se ky projekt është i dobishëm për interesat e konsumatorëve evropianë të gazit dhe për Federatën Ruse si furnizues të gazit", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
