Polonia është e gatshme të mirëpresë armët bërthamore në territorin e saj nëse NATO, vendos të forcojë krahun e saj lindor përballë vendosjes së armëve të reja nga Rusia në Kaliningrad dhe Bjellorusinë fqinje.
Një deklaratë e tillë u bë nga presidenti polak në një intervistë të publikuar të hënën në të përditshmen Fakt.
Nëse aleatët tanë vendosin të vendosin armë bërthamore brenda kornizës së ndarjes bërthamore në territorin tonë për të forcuar sigurinë e krahut lindor të NATO-s, ne jemi gati ta bëjmë.
Kreu i shtetit polak, i cili aktualisht ndodhet në Kanada pas një vizite në Shtetet e Bashkuara të Amerikës, ku takoi ish-presidentin Donald Trump dhe vizitoi OKB-në, shtoi se çështja e vendosjes së mundshme të armëve bërthamore në Poloni, ka qenë objekt i diskutimeve mes Polonisë dhe Shteteve të Bashkuara të Amerikës për disa kohë.
Duhet të pranoj se kur mu kërkua të flisja për të, unë deklarova gatishmërinë tonë.
Rusia po militarizon gjithnjë e më shumë rrethin e Kaliningradit. Së fundmi ajo transferoi armët e saj bërthamore në Bjellorusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
