Policia e Nju Jorkut thotë se një person është ndaluar pasi dyshohet se kishte lidhje me një shpërthim në një stacion të transportit urban në Manhatan.
Policia konfirmoi se i dyshuari është plagosur së bashuk me 4 persona të tjerë nga shpërthimi, që ndodhi vetëm disa blloqe larg sheshit të njohur Times Square.
Tre linja metroje kanë shërbim pasagjerësh në zonën e evakuuar, ku ndalen edhe një numër linjash të autobusëve të qytetit.
Shpërthimi i fuqishëm ndodhi mëngjesin e sotëm në një stacion metroje pranë terminalit të autobusëve në Manhatan të Shteteve të Bashkuara të Amerikës.
Mediat amerikane shkruajnë se ka shumë mundësi të ketë qenë një sulm terrorist.
Agjencitë e përforcimit të ligjit raportuan se shpërthimi nuk ndodhi i plotë, por ishte i pjesshëm dhe policia bashkë me zjarrfikësit kanë ndëhyrë në kohë.
Sipas raportimeve nga vendi i ngjarjes, pas shpërthimit është shkaktuar një kaos masiv dhe janë ndaluar linja të shumta të metrove
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
